సీఎం కేసీఆర్ కు అస్వస్థత..వైద్య పరీక్షలు

0
132
Spread the love

తెలంగాణ సీఎం కేసీఆర్ అనారోగ్యం బారినపడ్డారు. ఊపిరితిత్తుల్లో మంటగా ఉండటంతో… ఆయన హాస్పిటల్‌కు వెళ్లారు. ఆయన్ను పరీక్షించిన వైద్యులు.. ఎంఆర్ఐ, సిటీ స్కాన్ చేయించుకోవాలని సూచించారు. దీంతో సీఎం ఆయా టెస్టులు చేయించుకోనున్నారు. వ్యక్తిగత వైద్యుడి సూచనల మేరకే ఆయన హాస్పిటల్‌కు వెళ్లారని తెలుస్తోంది. కేసీఆర్ హాస్పిటల్‌కు వెళ్లారనే వార్త తెలియగానే టీఆర్ఎస్ శ్రేణులు ఆందోళనకు గురయ్యాయి. కానీ భయపడాల్సిన అవసరం ఏం లేదని సమాచారం.

తెలంగాణ హైకోర్టు మొదటి మహిళా ప్రధాన న్యాయమూర్తిగా జస్టిస్‌ హిమా కోహ్లి నేడు (గురువారం) ప్రమాణ స్వీకారం చేశారు. గవర్నర్‌ తమిళిసై రాజ్‌భవన్‌లో జస్టిస్‌ హిమాకోహ్లితో ప్రమాణ స్వీకారం చేయించారు. సీఎం కేసీఆర్ ఈ కార్యక్రమంలో పాల్గొన్నారు. అనంతరం ఆయన హాస్పిటల్‌కు వెళ్లారు.

గత ఏడాది ఆరంభంలోనూ సీఎం కేసీఆర్ హైదరాబాద్ యశోదా హాస్పిటల్‌కు వెళ్లారు. దగ్గు, జలుబు, జ్వరంతో బాధపడుతున్న ఆయన సోమాజీగూడ యశోదా హాస్పిటల్‌లో పరీక్షలు చేయించుకున్నారు. సీఎంను టెస్టు చేసిన డాక్టర్లు విశ్రాంతి తీసుకోవాలని సూచించారు.

LEAVE A REPLY

Please enter your comment!
Please enter your name here