ప్రపంచ టూరిజం ప్రాంతంగా శ్రీ రామానుజుల వారి విగ్రహ ప్రాంగణం

0
143
Spread the love

ప్రపంచ టూరిజం ప్రాంతంగా శ్రీ రామానుజుల వారి విగ్రహ ప్రాంగణం

శ్రీ రామానుజుల వారి విగ్రహావిష్కరణకు భారీ ఏర్పాట్లు

ముచ్చింతల చినజీయర్ ట్రస్ట్ ని సందర్శించిన రాష్ట్ర మంత్రులు ఎర్రబెల్లి దయాకర్ రావు గారు, వి.శ్రీనివాస్ గౌడ్ 

ట్రస్ట్ ప్రాంగణంలో నిర్మిస్తున్న రోడ్లను, ఏర్పాట్లను పరిశీలించిన మంత్రులు

సంక్రాంతి కార్యక్రమాల్లో పాల్గొన్న మంత్రులు, చినజీయర్ స్వామి, రామేశ్వర రావు తదితరులు

వచ్చే నెలలో ఆవిష్కరించనున్న ముంచింతలలోని శ్రీశ్రీశ్రీ త్రిదండి చిన్న జీయర్ స్వామి ట్రస్ట్ ప్రాంగణంలోని శ్రీ రామానుజల వారి విగ్రహం ప్రపంచ పర్యాటక ప్రాంతంగా మారుతుందని రాష్ట్ర మంత్రులు ఎర్రబెల్లి దయాకర్ రావు గారు, వి. శ్రీనివాస్ గౌడ్  అన్నారు. సంక్రాంతి సందర్భంగా ముచ్చింతలలోని చినజీయర్ స్వామి ట్రస్ట్ ని మంత్రులు ఆదివారం సందర్శించారు. ఈ సందర్భంగా మంత్రులు రామానుజుల వారి విగ్రహావిష్కరణ కోసం ప్రత్యేకంగా వేస్తున్న రోడ్ల పనులను పరిశీలించారు. అనంతరం ఆ ప్రాంగణంలోని దేవాలయాన్ని, రామానుజుల వారి భారీ విగ్రహాన్ని సందర్శించారు. సంక్రాంతి ఉత్సవాలలో పాల్గొన్నారు.

ఈ సందర్భంగా మంత్రులు ఎర్రబెల్లి దయాకర్ రావు , వి. శ్రీనివాస్ గౌడ్ మాట్లాడుతూ, భారీ ఎత్తున నిర్మించి, త్వరలోనే, భారత రాష్ట్రపతి, ప్రధాని చేతుల మీదుగా ప్రారంభించనున్న శ్రీ రామానుజ ల వారి విగ్రహం మహిమాన్వితమైనది గా నిలిచిపోతుందని అన్నారు. భారీ ఎత్తున ఏర్పాటు చేసిన ఈ విగ్రహం ఆవిష్కరణ కార్యక్రమాలు కూడా సీఎం కెసిఆర్ గారు సమన్వయం, సహకారంతో అంతే గొప్పగా జరుగుతాయని వారు చెప్పారు. ప్రపంచవ్యాప్తంగా అతిరథ మహారథులు హాజరవుతారని అన్నారు. ఇంత గొప్ప విగ్రహం ఇక్కడ ఏర్పాటు చేయడం అదృష్టంగా భావిస్తున్నామన్నారు. వచ్చే అహూతుల కోసం ఆ స్థాయి ఏర్పాట్లు జరుగుతున్నాయని అన్నారు. అంతర్గత రోడ్లు నిర్మిస్తున్నామని, ఇతర ఏర్పాట్లు కూడా ఘనంగా ఉంటాయని మంత్రులు తెలిపారు. ఆధ్యాత్మిక హబ్ గా మారిన తెలంగాణ కు రామానుజుల వారి విగ్రహం మకుటాయమానం కానుందని అన్నారు. సీఎం కెసిఆర్ తెలంగాణలోని దేవాలయాల పునరుద్ధరణ, పూర్ణో ద్ధరణకు నడుం బిగించారు అని తెలిపారు. యాదాద్రి ని తీర్చిదిద్దుతున్న వైనాన్ని వివరించారు.

అయితే, జీయర్ ట్రస్ట్ ప్రాంగణం లో తెలుగు సంప్రదాయం ఉట్టి పడేలా అద్భుతమైన ఏర్పాట్లు చేస్తున్నారని అభినందించారు. మంత్రులు సంబంధిత అధికారులకు ఏర్పాట్ల విషయమై తగు సూచనలు, సలహాలు చేశారు. పనులు వేగంగా, నాణ్యంగా జరగాలని అదేశించారు.

ఈ కార్యక్రమంలో మంత్రులతో పాటు శ్రీశ్రీశ్రీ చినజీయర్ స్వామి, మై హోమ్స్ అధినేత రామేశ్వర్ రావు, సంబంధిత అధికారులు తదతరులు పాల్గొన్నారు.

LEAVE A REPLY

Please enter your comment!
Please enter your name here